مرثية عيسى الاحسائي

مرثية عيسى الاحسائي
كلمات على القحطاني
لو البكـاء ينفـع وكُثـر الحسايـف"" لاابكيك يا عيسى على طول الايـام

واصيح واتحسـف وأهـلْ الذرايـف"" حتى يدب الذُعـر بقلـوب الايتـام

الفـن بعـدك قلـت لـه ياخلايـف"" والشعر مزقتـه وكسّـرت الاقـلام

لكـن هالدنيـا علـى طبـع زايـف"" كم رفَعت واطي وكم وطَت إعظـام

وشاورت قلبي قلت ويش انت شايف"" ؟اوقف هنا ولا أسلك الـدرب قـدام

وقررت اشيل العود واعطيـه نايـف"" لعـل فنـك يكسبـه فـن وإلهـام

بشير قبلـك كـان بالفـن كايـف"" وانتا رفعت الفن مـن بعـده اعـوام

ويكفيك ذا يسمع وهـذاك شايـف ""كم قلدوكـم فـي مواويـل وانغـام

نايف في القصيده هو أبن عيسى الأحسائي

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

رسالة لعيسى صمتها يذهل الأوراق = عليها غبار سنين بٌعده وغيباته
من الوادي الأخضر وجمهوره المشتاق = لعيسى وفنه ما انطفت نار لوعاته
ومن شاعر الوادي لفنانه العملاق = إلا خير من غنَا ومن لحن أبياته
غفر ذنب عيسى واعتقه والي الإعتاق = وعمه بعفوه وسكَنه روض جناته
شرب وارتوى من نهرها الصافي الدفاق = عفى الله عن عيسى ذنوبه وسياته
نعم يازعيم الفن يالشادي الذواق = بكينا لموتك والمخاليق مواته
تركت الطرب وإنته على عرشه السباق = تركته وهو بأعظم شموخه وروعاته
ولازال فنك والجماهير والعشاق = على عهدك السابق وفي المستوى ذاته
من اللي شدا مثلك وغنَا من الاعماق = وعبَر عن أحزانه وفرحه وحسراته
فراقك سبب حزني وجرحي على الإطلاق = ولايشكي إلامن هو أبخص بعلاته
تحملت من شانك جفا ناس ماينطاق = ولو هو لغيرك ماتحملت زلاته
ولي طبع ما أجاوب على ناقص الأخلاق = على شأن يصلى نار قهره وحراته
وانا طالب الله منشي الرعد والبراق = اله(ن) على خير البشر نزل آياته
يضاعف لعيسى بن علي رحمة(ن) وإشفاق = ويِدْخله في جنات عدنٍ بمرضاته
الآ واهني اللي من مد واجزل عطا وانفاق = وكبَر واقام الفرض وأداه بأوقاته
وزكَى وحج البيت وأفواجها تنساق = بحر من بشر تزدان مكة بموجاته
وطهر ضميره وأودع الخلق للخلاق = تندم على وقت(ن) بسِن الجهل فاته
يطول اللقاء بالاصدقاء وانتهى بفراق = ولايعلم المخلوق يومه وساعاته

[ندعوك للتسجيل في المنتدى أو التعريف بنفسك لمعاينة هذا الرابط]

ياهل الحساء وين الذي يطرب الناس=وين الطرب والفن وايام عيسى
كلن معه نغمه وعوده ومــــــــــــرواس =ياحيلة الله ياجماهير عيــــــــسى
خلا غصون القلب صرعا ويٌبــــــــاس=كلن نشدني ياعلي وين عيســـــى ؟!!
واهل الطرب غيره على العين والـــــراس=مشكور ياللي مايبي غيـــــر عيسى
مشكور لاتامن مع البيت جــــــــــلاس=كلن يبـــــي صوره مع اطفال عيسى
ويذكروهم كل بكره ومقـــــــــــلاس=ويهلو العــــــــبرات من شان عيسى

[ندعوك للتسجيل في المنتدى أو التعريف بنفسك لمعاينة هذا الرابط]

,

سـآري الليل

ابدعت تسلم يمينك ع الطرح

دمت كمآ تحب

[ندعوك للتسجيل في المنتدى أو التعريف بنفسك لمعاينة هذه الصورة]

رائعم من روائع الشعر

يعطيك العافيه يا طبعك شمالي تسلم

؟

شكرا ع الطرح