يـا عـسـكـري لا جـآكـ جـمـس ومـعـه بـنـت ...

هذي القصيدهـ لشـآعر عبدالرحمن زهير
وهي طرفه من طرف الشعر الجميل


ياعسكري لاجاك جمس ومعه بنت
أســـود جـــديد ولوحته خمس ستات

خله يمر ولا تعطلـــــه لا هنـــت
حتى لو مهرب حشيش ومعه قات

دخن زقارة دوف وأبعد عن الكنت
وأعطه ظهرك وخل دربه سهالات

فيه الهنوف اللي تناظر وانا لنت
وأمشي وراها في جميع المسارات

أدعي عسى يتعطل الجمس يابنت
ولا يوقف في مكان أســــــتراحات

لينا أتوجه للحـــــدود وتيقنــــت
أنه مسافر بأتجـــــاه الأمارات

في وقتها خرب المزاج وتعللت
وجلست أفكر لين جيت الجوازات

ماعندي بطاقة ولا عندي برنت
ولا بجيبي غير خمسة ريالات

وعاتبت وقتي ليه ياوقت مازنت
وليه الخليج يحط حد وسفارات

وجريت صوتي من عذابي وهيجنت
من ما بقلبي من بلاوي وحسرات


ورجعت في دربي على وين ماكنت
وأخذت من وضعي دروس وشهادات

وضاقت بيالدنيا من أسبابه وشنت
خسران يوم أطل بين الغمــــارات

لو هو مظلل جمسهم ماتفرعنت
ولا شفتها تضحك وتعطي أشارات

ياعسكري لاجاك جمس ومعه بنت
أسود جديد ولوحته خمس ســتات

خله يمر ولا تعطله لا هنـــــــت
حتى لو مهرب حشيش ومعه قات

هدوء الورد

يسلموا ع جمال الاختيار

ابيااااات فيها من الطرافه الشيء الكثير

لاعدمنا جديد طرحك الراقي.