يامعلم الغاوين طرد الملذات

انا هنا غاوي ومسرف فغيي

اوقف بصف الذات واحارب الذات
واقمع اثير الضي والضي الضيي

واخلق من جنون القصايد طروحات
تكشف مدى جهلي وتكشف رقيي

وانسج من خيوط المسافه مسافات
واقول للحزن الوفي يا خويي

علاقتي وياك غير العلاقات
نتشابه بمضمون شيك وشيي

واخر حكايات الهوى يا حكايات
طويتها في عتمة الليل طيي

وعلقتها على جدار الطموحات
وزيي بكتها دمعة الياس زييي

هي تدري ان اللي مضى ماهو بآت
وانا ادري ان اللي معيي معيي

فياللي سقيت الورد زخات زخات
انا هنا عطشان والمي ميي

ادور لوصلك فرص واحتمالات
وانته بميسم هجرك تزيد كيي

بعدك يا كيف اعيش والعمرلحظات
والصبر يتناقص وجرحي سميي

الله يبيحك يا طريق المتاهات
والله يديم الحب والله يحيي

علمتني كيف ابتسم للمعانات
وكيف اتفجر عشق واكتم دويي

والموت مره بس انا اموت مرات
فعيونك الثنتين يابعد حيي

انتقاء جميل وحروف معبرة
بكل هدواء وبحروف الوائقين
أقولك هذا انت متميز بكل
ما يخطة قلمك هنا
وبكل ما توصلة لقلوبنا

دمت كما انت

اسعدني حضورك هدوء الورد

ياهلا وغلا ويسلمك الباري على مرورك الطيب