الشاعر خلف في رثاء أخيه موسى مشعان

الشاعر
خلف المشعان
في رثاء أخيه موسى مشعان

رحمة الله على اقلط / مرحبا / ماتجون ؟ =بعد ماقيل موسى رحمـة الله عليـه ...!

عاش طيلة حياتـه يهتـف بـوشتبـون =لين قالو توفـى واهتفولـي نبيـه ...!

كل صدمة مصيبه فـي حياتـي تهـون =لكن فراق موسـى ماقـدرت احتويـه..!

قبل اقوي عزومـي واحتـزم بالظنـون =شالت الريح سفني عكس ماتشتهيـه ..!

في دقيقة وفاته / طـاح دمـع المـزون =كن حايل تنادي لارضها .. ودعيـه ..!

ويل حالي علـى اللـي لادرو يفزعـون =كيف اسد بمكانٍ كنت مسنـود فيـه ..!

من دموع اليتاما وسط صـدري طعـون =ومن وراهم يتامى طيب مـدة يديـه ..!

كل عين ٍ شكت لي فقـد هـاك العيـون =كنها من عيوني .. غمّضت تحتريـه ..!

وش بقـول لصغـارٍ بالعـزا يلعـبـون =مادرو عن مصابي في فراق النزيـه ...!

بين حمـل الفـراق وحملهـم بالمتـون =كل هم بخفوقي ... غاب عوّد اليـه ..!

يستر الحزن صدري والمحاجـر تخـون =اسود الفقد بانت لوعتـه بالوجيـه ...!

يوم شفت التراب يهال صحـت امغبـون =ليت عمرك يـخيّي ينشرى واشتريه ..!

لـو تجيـز المنايـا للبشـر يفـتـدون = والله اني بروحي ... لارتجل وافتديه ...!

.
رحم الله موسى وجميع من كانوا معه رحمة واسعه.
.

,

رحمة الله عليه وعلى اموات المسلمين

صح لسآن قايلها وتسلم يمين نآقلها

دمت

[ندعوك للتسجيل في المنتدى أو التعريف بنفسك لمعاينة هذه الصورة]

صح بدنك وشكرا لك على المرور الكريم

دمتي بخير

» في الإمارات.. أفغاني يستعين بقاتل مأجور للتخلص من أخيه
» كلمات اغنية حبيبي برشلوني غناء حسين الجسمي وكلمات الشاعر السعودي تركي الشريف
» الشاعر مشحن بن صليهم الشراري
» الشاعر علي الحارثي - شاعر المليون
» الامير الشاعر أحمد بن محمد السديري