كم عيوني من غدر باكر تخاف

أرضي اللي تشتكي ..ظلم الجفاف
في سماها ..ما نشآ ..طلع السحاب

والسنين اللي ..مضت فيني عجاف
تكتسي ..لون السواد ..من الثياب

كم عيوني من غدر .. باكر تخاف
وكم تخاف أكثر ..أذا حان الغياب

أتعبت ..رجلي .من حمول الكتاف
والطريق ..بعيد ..والرحله عذاب

الهموم..اللي بصدري ..ماتشاف
وسطها قلبي ..من الحرمان ذاب

الشتآآ بارد .وأنا أبحث عن لحاف
والاماكن جرد..يسفيها ..التراب

حارت أنفاسي ..تدور عن ضفاف
تاايه..بين ..أمنياتي ..والصوااب

غصب عنها راضيه فيما ..تعاف
تحتسي مع ..زادها مر الشراب

كهل ..ويديني يحركها أرتجاف
ترتعش من كثر مافيها ..مصاب

في زمن جرح تفاصيل العفاف
عافه ..اللي يرتجي نيل الثواب


.