قصيدة فكاهية

قصيدة بين بنات البدو والبنات الي يقلدون لبس الغرب صار الحكم فيها الفنان فتي الشرقية


بس انتم مع مين





صرت الحكم بين البراقع والسفور
تخاصمن عندي نحيلات الخصور
قالوا نبي نسمع وخلق الله حضور
أحكم بحكم العدل ما بين البنات


تقدمت من تلبس البرقع دلع
واهل البلد حضار والكل استمع
قالت بلانا من خراب المجتمع
قطن براقعهن ويمشن سافرات


يرمن براقعهن ويرمون العبي
تجيك تمشي وانت تحسبها صبي
وان قلت يا بنت الحلال اتأدبي
عين يطيعن ذا البنات الغاويات


كن المره رجال تشوف الباسها
بدلة فرنجية وتحلق راسها
لو كان لي قدرة كتمت أنفاسها
بنت شريفة ما تسوي هالسوات


ترى السفور تجيك ما فيها حلى
واحنا الذي يشهد لنا كل الملا
يحرم على رجل عشقنا ما سلا
يشبهونه بالخيول المسرجات


جات السفور وقلت لا تتكلمي
تحضري وتجهزي وتولمي
خلينا نخلص منها وتقدمي
وش هالمشاكل بينكم وانتم خوات


لحظة وجاها الدور قلت اتفضلي
لاتغضبي منها ولا تزعلي
الحق يوضح والحقيقة تنجلي
حنا ابتلشنا بينكم يا الغاليات


قالت براقعهم نسينا دورها
ولى زمنها وانتهى جمهورها
واحنا البدور اللي تجلى نورها
يشرق ضيانا في الليالي المظلمات


حنا على المكشوف والعالم تشوف
واما البراقع يا حكم غشو ألوف
ما فيهم اللي كاملات بالوصوف
ألا عيون من البراقع طايرات


حنا بنات الحور ربات الجمال
واللي تغطى لا تغرك بالخيال
يوقع بهم دايم غشيمين الرجال
هذا صحيح القول والعلم الثبات


الحـــكم
ــــــــــــــــــــ


قلت انتهى الموضوع والحكم استوى
جميعكم بلوى على اصحاب الهوى
عز الله أنا لو جمعناكم سوى
بنات حوى كلكم متكاتفات


لا تخدعونا بالمشاكل والخصام
نعرف سوالفكم ونعرفكم تمام
كلمة صريحة قلتها عند الختام
تزاعلون اليوم وبكرة راضيات

ههههههههههههه

روووعه

مشكوور الله يعطيك الف عافيه

مشكووور وماقصرت
الله يعطيكك العاآفيه

ههههههه
قصة روووووعه

يعطيك العافيه

تحيتي لك