كــل عــرقٍ بـصــدري لا ذكـرتــك يـصـيـح

ودي أنسـى عـذابـي وأذكــر أنــي جـريـح
كــل مـاجـيـت أبـنـسـى طاولـتـنـي جـــروح

ياحبيـبٍ عشقـتـه كــان تبـغـى الصحـيـح
أنت نبض المشاعـر وأنـت للشعـر روح

كــل عــرقٍ بـصــدري لا ذكـرتــك يـصـيـح
وكــــل هـــــمٍ بـقـلـبــي لا لـقـيـتــك يـــــروح

لـيــه كـــل مارمـيـتـك بالـقـصـايـد تـطـيــح
لـيـه كــل مانسـيـتـك قـــام طـيـفـك يـلــوح

بـيــن نـفـسـي وبـيـنـي والــكــلام الـمـلـيـح
الـمـشـاعـر فــراشــك بـالـزعــل والــمــزوح

أنــت ضـيـف المحـانـي والـمـعـزب فـلـيـح
يـاكّـرم ضـيـوف قـلـبـي حـالــفٍ مـاتــروح

لا تــشـــك أبـوفــايــه ولا تــزعّـــزك ريـــــح
أنــت آمــر تكـلـم وأكـسـر الصـمـت بــوح

من عرفتك عرفت أنـك صديـق ونصّيـح
كثـر مازعّلـك وأزعـل بـس قلـبـك نـصـوح

ياكـريـم العطـايـا صــار وصـلـك شـحـيـح
كـان مـدك جزيـل وكـان جــزرك شـحـوح

مــن فـقـدتـك شـعــرت بغلـطـتـي يامـلـيـح
لعـنـبـوهـا خـطـايــا ؟ والــزمــان الـلـحــوح

كـل ماجيـت أبامشـي درب هـيـن مـريـح
آه مــن جـرحـك الـلــي لا ذكـرتــه يـفــوح

وكل ماقلت هانت من عنا الوقت أطيح
بيـن قلـبٍ عـطـوف وبـيـن نـفـسٍ شـفـوح

آه مــن كــل مـعـنـى يرفـضـونـه صـريــح
آه مـــن وقـــت مـابــه للخـطـايـا سـمــوح

آه مـن كــل دمـعـه مــن عيـونـي تطـيـح
وآه مـــن كـــل صـرخــة بالخـفـايـا تـنــوح

أثـري الوقـت مـابـه مــن يـريـد الصحـيـح
وأكثر النـاس غامـض مايحـب الوضـوح