عيوب سيارات تويوتا

بسم الله الرحمن الرحيم


السلام عليكم اخواني الاعزاء ويشرفني اكون عضو من اعضاء المنتدى
بحمدالله اشتريت لاندكروزر 2009 جي اكس آر 8 سلندر وارد بازرعه
وبصراحه الموتر ماشاء الله رهيب بس في عيوب بسيطة بس اضن انهم حطوها عشان تكون اقل من الفي اكس آر

وهي
1-وهو اقوى عيب الكراسي ماتتحرك الا حركتين فقط يعني تتقدم وترجع والطهر نفس الشي
وبصراحه انا انصدمت لما عرفت لاني اول ماطلعتها كنت امد ايدي ابي انزل الكرسي شوي بس ادور مالقيت مفتاح جنبت على جنب ونزل الا واتفاجئ انه مافي مفتاح اصلا يتحكم بارتفاع الكرسي قلت اكيد
في مفتاح كهربائي في مكان ثاني بس للاسف مافي شي رجعت للوكيل وشفت السيارات الثانيه لقيتها نفس الي عندي .....!!!
مع ان كل السيارات الي شفتها مثل البرادو اسنتافي الفيتارا الاف جي حبيبة قلبي فيهم بس الاند لا غريبه والله
2- مفاتيح التحكم بصوت المسجل ومفتاح التراك سيك بعيده من السواق يعني على اليمين
تحس انهم مسوين هالحركه عشان يطلعو فايدة لمفاتيح التحكم بالمسجل الي موجودة بالدركسون بالفي اكس آر
3- مافي قفل للابواب في باب الراكب
4-مافي اوتو داي لايت
5- صرفية البنزبن عالية شوي
6- وهذا الي ذابحني صوت الهوى مرتفع من فتحة السقف مع ان اعلى سرعة وصلت فيها بالسيارة 100كيلو ماتعديتها الا الان لاني لازلت امرن الموتر
عندي برادو 2005 في اكس طبعا بفتحه اوصل فيه الى 160 ومكا اسمع الا صوت خفيف جدا جدا مقارنة بالاند كروزر
بس ماادري في موضع حاطه واحد من الاخوان جزاه الله خير يتكلم عن هالشي ويقول ان السباب يمكن يكون من الاصق البلاستيكي الموجود على الكبوت والسقف ببعدهم وبجرب ان شاء الله
7- القومه بالنسبة لل8 سلندر بصراحه فيها نظر مو ذاك الزود والله
البرادو قومتها اسرع مع انها 6 بس يمكن تكون عشانها اخف من الاند كروزر


عدا هذا السيارة والله احسن من الطائرة من ناحية اليونة القوة الحجم الراحه ((بغض النظر عن ارتفاع الكراسي)) الفخامة

حاولت انزل الصورة بس ماقدرت

هذا والله اعلم
حبيت انقلكم معلوماتي بعد تجربة السيارة ودمت
اخوكم اف جيه وبس

طبعا انا كنت ناوي اخذ اف جيه 2009بس للاسف الى الان ماوصلت ال2009 عندنا في اليمن