من روائع الشعر

ما اعتدت أجادل شخص ميت ضميره..إنسان ماتت به مفاهيم الإنسان
.. أنا مع أهل الطيب لي ألف سيره .. وإلا انت مالك مع أهل الطيب عنوان
.
.
خزنت لــك بالقــلـب عشــرة مــلايين *** ماهو رصيد فلــــوس لكن مـودة
زكـاة فطـرك تغـني جميع المســاكين *** من الساحل الشرقي الى حد جده
وامشي معك والله على العسر واللين *** والموت والمقسوم محدٍ يرده

يارفيق الدرب ماصدق نسيت *** خابرك مهما تعذبني حـنون
لاذكرت ايامك الحلوة بكيت *** ماتهون ايام ودك ماتهــــون
راحتي وياك لامنك صغيت *** في ثواني كلها بوح وشجون
ولاقريت ابيات الرساله وانتهيت*** ودي اعرف في حياتك من اكووووون ؟؟؟

ياغايب عني لك الحب ماغاب *** مته تجي تشوف همي بعينــك
ماطاب لي جرح ولا خاطري طاب *** مته يديني تحتضنها يدينــك
ياصاحبي لو قالو الوقت كذاب *** يكفي كلامك ودافي حنيـنـك
لو ان قصدي في الزمن كثر الاحباب *** ماقلت ياساكن الروح وينك

فدوة عيونك لو غدت روح مغليك *** وش عاد لو راحت لعينك عشاير
ابيع مايغلى على الكون واشريك *** واسوق لي جتني اعلومك بشاير
وازعل جميع الناس بالحيل وارضيك *** واصبر ولو دارت على الدواير

مايصير انساك لا مايصير *** في خفوقي لك محبه واحتــرام
قبلك الدنيا مثل حلم صغير *** وعقبك الدنيا غرام في غرام
انت مثل النور في عين الضرير*** لالمحتك مابقى حولي ظلام
فيك عمري فيك روحي والمصير ***فيك كل ايام عمري والسلام

كتبت انا في تالي الليل بيتين *** لعيون من يسوى جميع الخلايق
إلي معاهدني على الزين والشين *** وإلي بشوفة يصبح الفكر رايق
الصاحب إلي منزله داخل العين *** هو الخوي وقت السعه والضوايق

يفداك عمري يابعد عمر مغليك *** وتفداك روحي والعيون وسهرها
ابيع كل الناس يازبن واشريك *** والناس لأجلك مستعد اخسرها
امر وحنا ياهوى البال نرضيك *** يابسمة ايام العمر ياقمرها

حبٍ يغيب وصاحبه مابعد غاب *** وحبٍ يدوم وصاحبه في غيابه
وحبٍ يذوب خافقٍ مابعد ذاب *** وحبٍ يداوي صاحبه من عذابه
وحبٍ حياته كلها لوم وعتاب *** وحبٍ حقيقي مايضرك عتابه
وحبٍ بلا معنى وحبٍ بلا اسباب *** يبدأ غريب وينتهي في غرابه

قصيده قمه في الرووعه

لاتحرمنا خيييوو

تقبل مروري

اختك

عطـــــــــــر

» من روائع الشعر 2
» من روائع القرني عن المراه
» من روائع الامير الشاعر محسن الهزاني
» غرة الشعر الجانبية
» موديلات تجديل الشعر